Hanggang saan ang kaya mong ibigay para sa pag-ibig? Anu-ano ang mga bagay na handa mong isuko para sa pag-ibig?

Paano mo masasabing totoo ang pa-ibig kung hindi nito kayang magtanggol? Paano mo masasabing totoo ang pag-ibig kung hindi ito marunong lumaban?

Hindi tayo magkapareho ng paraan ng pag-ibig. Gusto ko lang naman noon, may magmahal sa’kin sa kung sino at ano ako. Oo, siguro nga ganoon ang ginawa mo. Ngunit madalas mong sabihin na ako, hindi kita tanggap. Magkaibang-magkaiba tayo ng pananaw. Siguro dahil magkaiba tayo ng kinagisnan.

Malabo. Hindi tayo magkatagpo. Palagi na lang akong talo. Sa lahat ng pasya, ikaw ang laging panalo.

Ewan ko. Minsan, napapaisip ako kung talaga bang mahal mo ko.

Naaalala mo pa ba ‘yung kwento ng Iron Man 3?

Naaalala mo pa ba kung anong nangyari?

Siguro nga sa pelikula lang nangyayri ang mga ganoong bagay.

‘Yung isinuko ng lalaki ang lahat, mas pinili na lang na makasama ang taong minamahal niya at mamuhay ng simple at mapayapa.

Oo. ako nga si Pepper Potts. Pero hindi ka si Tony Stark.